هو يعنى أيه حب ؟
الموضوع فكرتى من واقع حياتى .. معبر عن وجهة نظرى الشخصية :
هو يعنى أيه حب ؟
أكيد انى لما أحتاج حد برتاح ليه ألاقيه معايا
لما أكون تعبان وبعانى من حياتى الاقى اللى يشاركنى حياتى
يعنى أيه حب ؟
موش مجرد علاقة والسلام تبقى معايا النهارده ويومين فى غياب
يعنى أيه حب ؟
موش مجرد كلمة بنقولها لواحد وبس
يعنى أيه حب ؟
يعنى أخ أوصديق وحبيب وأهل
يعنى أيه حب ؟
يعنى يكون قد الكلمة والوعد انه يحافظ عليا ويشيلنى فى عينه
يعنى أيه حب ؟
يعنى مانتجرحش من اللى بحبه وحتى ولو جرحنى يعترفلى ويصارحنى
يعنى أيه حب ؟
انى أحب أو محبش يبقى عندى الصراحه أواجه الشخص اللى سلملى نفسه وأقوله هو أيه عندى !
كتير بنلوم الدنيا وبنعتب على نفسنا اننا عايشين فيها بس الدنيا مالهاش دعوة باللى بيجرالنا ممكن تكون طيبتنا ممكن يكون فى حاجات كتير موش فاهمينها
بس انا لو بتكلم على نفسى مثلا انا جرحت كتير وخنت كتير وظلمت كتير بس فوقت اينعم فوقت متأخر بس الحمد لله من ساعتها ما اتكررش تانى
بس فعلا انا بحب وهفضل طول منا عايش حياتى أحب حتى لو معنديش أمكانيات للحب ده
هفضل عايش أحب اللى حواليا حتى لو احزانى وجراحى هدانى
كتير بضعف وكتير ببكى بس ده كل ملكى وانا قاعد مع نفسى
هفضل أحب وهفضل قد وعدى هفضل أنتظر مهما اللى حبيته بعد وغاب عنى
سواء صديق ولا حبيب ولا اى ان كانت صفته هيفضل ليه مكان مميز عندى
برغم تعبى برغم حاجات كتير فى حياتى موش هكره ولا اغير صورة حد فى يوم حسيت معاه مشاعر طاهره بريئة احساس ميتعوضش
بس خايف فعلا من كتر الاحزان انك تصحى من نومك تلاقى نفسك فى دنيا غير دنيا
انك تبقى وحيد وانت مالكش اى ذنب فى اللى انت فيه
انك كنت فى يوم فاتح حضنك لكل اللى حواليك وتلاقيهم هما موش عايزين
انك تحقق كل رغبات اللى حواليك وكل احلامك انك تشوف بعينك حد بتحبه
انك تحس الحرمان انك تدى كل ماعندك للى بتحبهم انك تخلص كل طاقتك
وفجاة تحس انك بقيت ولا حاجه بعد مابقاش عندك اى حاجه خلاص
أنك توعد وتحافظ ع اللى بتحبه وتوهب حياتك وعمرك للى بتحبه وفجاة وفى لحظة تلاقيه غاب عنك موش معاك وبدون اى مقدمات ولا مبررات
وحجته جاهزة هعمل ايه يعنى ؟